తెలంగాణ శాసనసభ ఎన్నికల్లో పెద్దపెల్లి జిల్లా మంథని నియోజకవర్గం నుంచి శ్రీధర్ బాబు మరోసారి గెలుపొందారు.
సిట్టింగ్ ఎమ్మెల్యేగా.. గతంలో కాంగ్రెస్ ప్రభుత్వ హయాంలో , దివంగత ముఖ్యమంత్రి వైయస్ రాజశేఖర్ రెడ్డి క్యాబినెట్లో పౌరసరఫరాల శాఖ మంత్రిగా సమర్థవంతంగా పనిచేసిన శ్రీధర్ బాబు మంథని ప్రాంత ప్రజలకు చేరువగా ఉంటూ… ప్రజా సమస్యల పరిష్కారంలో తనదైన శైలిలో ముందుకు సాగుతూ…
మరోసారి ఈ ఎన్నికల్లో మంథని శాసనసభ్యుడిగా 31,380 ఓట్ల మెజార్టీతో బి.ఆర్ అభ్యర్థి పుట్ట మధుకర్ పై విజయం సాధించారు.
ఈ సందర్భంగా మంథని పట్టణంలో పెద్ద ఎత్తున విజయోత్సవ ర్యాలీ నిర్వహించారు.. మంథని ప్రజలకు శ్రీధర్ బాబు అభివాదం చేస్తూ.. కృతజ్ఞతలు తెలిపారు.
విజయోత్సవ ర్యాలీ సందర్భంగా భారత రాజ్యాంగ నిర్మాత డాక్టర్ బాబాసాహెబ్ అంబేద్కర్ విగ్రహంతో పాటు తన తండ్రి మాజీ స్పీకర్ దుద్దిళ్ల శ్రీపాదరావు విగ్రహానికి పూలమాలలు వేసి ఘనంగా నివాళులర్పించారు.
Sircilla Srinivas is a Senior Journalist with 35+ years of experience in Professional Journalism from United Karimnagar and Jagityal Dist, Telangana. Awardee of TS Govt Haritha Haram 2017 State cash Award. Participating in social activities such as Assistant Governor of Rotary Club Dist.3150, Dist committee member of Indian Red Cross society.
