నిరుపేద వైద్య వైద్యార్థినికి ఎమ్మెల్సీ భానుప్రసాద్ రావు చేయూత
ఎలిగేడు:
మండలంలోని సుల్తాన్పూర్ గ్రామానికి చెందిన కీర్తి రాజేశ్వరి-లక్ష్మయ్య దంపతుల మొదటి కూతురు కీర్తి శరణ్య ఇటీవల వెల్లడించిన నీట్ ఫలితాలలో రాష్ట్రస్థాయిలో 979 ర్యాంకు సాధించింది.ర్యాంకు సాధించి, మెడిసిన్ లో సీటు పొందినప్పటికీ… పేద కుటుంబం కావడంతో, మెడిసిన్ పూర్తి చేయడానికి దాతల చేయూత కోసం ఎదురుచూస్తున్నారు.
ఈ క్రమంలో శాసన మండలి చీఫ్ విప్ తానిపర్తి భానుప్రసాదరావుకు ఈ విషయాన్ని స్థానిక బీఆర్ఎస్ నాయకులు వివరించారు.
ఈ మేరకు భానుప్రసాదరావు స్పందించి…శరణ్య వైద్య విద్యకు అయ్యే ఖర్చులను తానే భరిస్తానని చెప్పినట్లు స్థానిక బీఆర్ఎస్ నాయకులు మాజీ సర్పంచి తానిపర్తి సుధాకర్ రావు “తెలంగాణ రిపోర్టర్” కు తెలిపారు.. ఈ సందర్భంగా కీర్తి శరణ్యను సత్కరించారు.
ఈ సందర్భంగా సుధాకర్ రావు తమ పూర్వవిద్యార్థులతో కలిసి ఏర్పరచుకున్న ట్రస్టు ద్వారా ఆదివారం శరణ్య ఇంటికి వెళ్లి 25 వేల రూపాయలు ఆర్థిక సాయం అందించి అభినందించారు.
Sircilla Srinivas is a Senior Journalist with 35+ years of experience in Professional Journalism from United Karimnagar and Jagityal Dist, Telangana. Awardee of TS Govt Haritha Haram 2017 State cash Award. Participating in social activities such as Assistant Governor of Rotary Club Dist.3150, Dist committee member of Indian Red Cross society.
